打功夫71, 72

5月11日

公眾假期後的一堂, 特別冇力。

總館的頭四名弟子將於一年內陸續升上黑帶(望係咁望), 師傅開始教授高階招式, 讓我們及早開始練習, 以免考黑帶前夕才臨急抱佛腳。

「將你哋好似砌圖咁一塊一塊拼落去, 考黑帶時就會拼好。就好似一件藝術品。」

我由上星期的腐朽, 變成今星期的藝術品。

那個高階招式是reverse kick, 是back kick的迴旋進化版, 如果再加一個跳躍動作, 就是軍佬尚格暈頓的成名絕技了。發下夢先。

今個星期搏擊打了三場, 令人明白甚麼叫"技窮"。作戰期間腦袋頗為空白, 只懂使出單純的拳腳, 本來想出一些飛腿, 但因為對手早幾堂已破了我的攻擊模式, 不敢再出。

連師傅都嫌太悶, 提早完場, 叫我回家諗下新招。

很不爽。

不知道各位是否記得一年前我有一個乸乸哋的十師弟, 佢因為嫌辛苦, 早已退學。但最近又從其好友九師弟口中又聽到他的消息, 原來他是一個很受女生歡迎的老師, 也是一個大畫家。

原來係一個乸型的金牌殺手。

至於那個九師弟, 拳套上寫住一個"殺"字, 原來是DMC的粉絲。

還有3堂就考試。

==========

5月18日

為了解決技窮的問題, 在家開了一集亞記在農曆新年期間播映的力佬健搏擊賽的片段來看。可取材的地方甚少, 但總算找到一招的靈感。和康比鑽研過並改良之後覺得可行, 點知今日冇搏擊打。

今堂又有女同學新加入, 但不是白帶而是藍帶的插班生, 插了在我和法國師弟的中間。

師傅又再重新介紹各師兄弟一次, 全都是已聽過十數次的對白。 至於師傅對我的介紹和評價是: "佢好勤力O架, 好少請假的。"

畀咗學費, 請假就笨。

今次考試項目之一: 撞膝夾膝連續技, 當眾示範, 師兄弟們一人一票評分, 形式如魔法擂台: 6A3B0C, 分數非常高, 令人很鼓舞又有信心。 可惜這只是其中一項, 我還有3招飛踢未練好。

今堂被法國師弟整估, 趁人家在點名的時候撩人講嘢, 今阿SIR叫我名時, 我變了"唔"一聲回應, 像一個沒禮拜的小孩子。

臨放學前, 一個平日很留意我的師兄, 挨住牆, 讚我有進步: 是一班人之中進步得最多的人。(可能是我開始學拳時實在太差)

放學後在FOOD COURT等拎飯時, 又被一個靚仔高聲叫: 靚仔~可以拎啦~

心情真好。

忘了還有兩堂就考試。