呆佬等康比回家倒數8.7.6

呆佬等康比回家倒數8

星期日中午落街食個tea, 是康比最鍾意的鴻星下午茶。我一個人食了一個火鴨絲湯米+油菜餐, 另加一籠粉菓。因康比不在, 感覺有點食過龍。

趁放假有時間, 煮咖哩磚來自製日式咖喱飯。薯仔多過飯、少肉多菜。咪以為賣相好就好食, 全靠蘿蔔顏色靚。其實薯仔和蘿蔔都煮得不夠腍, 咖哩汁亦全部不知所蹤。應該係落水唔夠。

呆佬等康比回家倒數7

今晚放工後出街食, 而且係好味嘢, 仲唔駛錢。因為阿叔從美國回來拜山探親, 黃家宗親在apm食潮菜。九點後有七折, 但好肚餓。

這個是潮式豆腐, 入口時冇特別, 但食食下發現好似臭豆腐咁臭。
呆佬等康比回家倒數6

清明放假一天, 陪馮小軒打機跳繩乒乓做功課玩了半天, 之後去黐餐, 是gaga煮的菜, 包括牛尾和蜆。

康中午來電, 本來想試下視像會議, 但可惜那時候我在乒乓中。在等明早(香港時間)才有機會。